A Special Message for You 💖

💌 Love Message

أدهم حبيبي💗💗💗💗 أنا مش عارفة أبدأ منين، بس كل اللي عارفة أقوله إنك بقيت كل حاجة في حياتي. أنا بحبك بجد… بحبك بطريقة عمري ما كنت متخيلة إنها ممكن تحصل في حياتي. بحبك لدرجة إنك بقيت أول حاجة بفكر فيها لما بصحى، وآخر حاجة بتمر في بالي قبل ما أنام. إنت بقيت دُنيتي، بقيت راحتي، بقيت السبب اللي بيخليني أكمّل يومي وأنا مبتسمة مهما الدنيا تعبتني. كل مرة ببصلك فيها، بحس إن قلبي بيهدى. كل مرة بتكلمني فيها، بحس إن الدنيا كلها سكتت عشان اسمع صوتك. كل مرة بتلمسني فيها، بحس إن مفيش أي خوف في الكون يقدر يلمسني. أنا بحبك حب كبير، حب نضيف وصافي، حب بيخليني أعيش وأتنفس بيك. أنا شايفة كل تعبك، وكل ضغط بتمر بيه، وبحس بيه أكتر مما تتخيل. بحس بيك في صمتك، في تعبك، في لحظات ضعفك اللي بتخبيها. وبتمنى لو أقدر أشيل عنك كل هم، وأخلي قلبك دايمًا مرتاح. نفسي تكون بخير، نفسي تشوف فيا الراحة اللي أنت بتدور عليها من زمان. نفسي لما تتعب تفتكرني وتطمن إن في حد بيحبك بجد، من غير أي شرط ولا مقابل. أنا فخورة بيك… فخورة بكل حاجة عملتها وكل خطوة بتاخدها. حتى لو الدنيا قست عليك، أنا جنبك، ومش هسيبك مهما حصل. لأنك مش مجرد حبيبي، إنت حياتي كلها. إنت الشخص اللي لما بشوفه بنسى أي وجع، وبحس إن وجودك في حياتي كفاية يخليني أقوى. بحبك بطريقة غريبة، بطريقة بتخليني أبصلك وأقول "يا رب احفظه"، بتخليني أعيّط من شدّة إحساسي، بتخليني أعيش على تفاصيلك الصغيرة… ضحكتك، كلامك، طريقة نظرتك، كل حاجة فيك. أنا بعشقك لدرجة إني بحس إني مش أنا من غيرك، زي ما لو روحي مربوطة بروحك، وكل حاجة فيا بتدور حواليك إنت. أنا عايزة تبقى عارف إني مش بحبك عشان إنت بتعاملني كويس… ولا عشان كلامك الحلو أو اهتمامك، أنا بحبك لأنك إنت… لأنك أدهم اللي أول ما دخل حياتي، خلاني أحس إني اتولدت من جديد. أنا بحبك عشان نظرتك اللي فيها طيبة وحنية وصدق، عشان خوفك عليا اللي بيطمني، عشان وجودك اللي بيخليني أحس إن الحياة مش قاسية أوي زي ما كنت فاكرة. لو تعرف قد إيه أنا بدعيلك كل يوم، بدعيلك ربنا يسهّلك كل طريق، ويريّح قلبك، ويبعد عنك أي وجع. بدعيلك تكون دايمًا بخير، لأن أنا من غيرك معرفش أبقى بخير. أنا بحبك، وده مش كلام… ده إحساسي اللي عايش جوايا في كل نفس وكل لحظة. بحبك حب كبير، عميق، صادق، حقيقي… بحبك حب مالوش نهاية، حب مالي عليا حياتي، حب يخليك دايمًا مطمن إن في حد هنا بيحبك أكتر مما بيتخيل. إنت حياتي يا أدهم، وإنت قلبي وروحي وبيتي. ولو سألتني عن معنى الحب، هقولك: هو إنت.

📅 Special Date

July 23, 2025

🎵 Your Song

📸 Special Memories